თანხმობა პერსონალური მონაცემების დამუშავების თაობაზე
მე გამოვხატავ თანხმობას და უფლებას ვაძლევ შპს ‘’მიკროსაფინანსო ორგანიზაცია ცენტრალს’’ (შემდგომში - ორგანიზაცია), საქართველოს კანონმდებლობით დადგენილი წესით და პირობებით, დაამუშავოს განაცხადში მითითებული ჩემი პერსონალური ინფორმაცია, რომელსაც მას თავად ვაწვდი გარიგების ფარგლებში (იმ შემთხვევაშიც კი, როდესაც რიგი მიზეზეზების გამო ვერ შედგება გარიგების დადება).
გაცნობიერებული მაქვს, რომ ჩემი პერსონალური მონაცემების დამუშავების მიზანს წარმოადგენს ჩემსა და შპს ‘’მიკროსაფინანსო ორგანიზაცია ცენტრალს’’ შორის გარიგების დადება/გარიგების თანმდევი სამართლებრივი ურთიერთობების მართვა. ჩემი უარი ჩემი პერსონალური ინფორმაციის ორგანიზაციისთვის გაზიარებაზე წარმოადგენს ორგანიზაციის მხრიდან გარიგების დადებაზე უარის თქმის საფუძველს, ვინაიდან, შეუძლებელია, შედგეს გარიგება (ხელშეკრულება) ჩემი პერსონალური ინფორმაციის გარეშე. ორგანიზაცია ამუშავებს მხოლოდ იმ პერსონალური ინფორმაციას, რომელსაც გარიგების ფარგლებში მას თავად ვაწვდი ან/და ორგანიზაცია მოიპოვებს ჩემი თანხმობით ან/და საჯარო წყაროდან თავისი ლეგიტიმური ინტერესების დასაცავად.
ასევე გაცნობიერებული მაქვს საქართველოს კანონმდებლობით გათვალისწინებული უფლებები, რომ მონაცემთა სუბიექტს/მომხმარებელს უფლება აქვს მოითხოვოს მონაცემთა დამუშავების შესახებ ინფორმაცია, კრედიტორთან არსებული მისი პერსონალური მონაცემების გაცნობა/ამ მონაცემთა ასლის მიღება; ასევე მონაცემთა გასწორება, განახლება, შევსება, დაბლოკვა, დამუშავების შეწყვეტა, წაშლა ან განადგურება, თუ ისინი არასრულია, არაზუსტია, არ არის განახლებული, ან თუ მათი შეგროვება და დამუშავება განხორციელდა კანონის საწინააღმდეგოდ; ასევე უფლება, მოითხოვოს მონაცემთა გადატანა.
მონაცემთა სუბიექტს/მომხმარებელს ზემოთაღნიშნული რომელიმე უფლების განსახორციელებლად უფლება აქვს, ორგანიზაციას მიმართოს განცხადებით შემდეგ ელ. ფოსტაზე: info@central.ge.
